O obxecto do presente procedemento de licitación é a contratación pola Fundación de Feiras e Exposicións de Ourense (en diante, EXPOURENSE), da subministración e instalación de máquina enfriadora para a climatización dos espazos destinados á cafetería e restaurante no recinto feiral de Expourense. As máquinas destinadas á climatización das áreas de cafetería e restaurante no pavillón de Expourense, instaladas desde a construción do recinto, son cada vez máis susceptibles de avarías, expoñendo a prestación do servizo de cafetería e restauración, en réxime de concesión.