Malena González Padrón, veciña do Pereiro de Aguiar, resultou gañadora do cheque desconto de 6.000 euros que lle correspondeu por ter mercando un vehículo e participado así no sorteo promovido pola Asociación de Concesionarios de Automóbiles de Ourense (A.C.A.U.T.O.) e Expourense durante o 17º Salón do Automóbil (Vehículo Novo e Vehículo de Ocasión), que se celebrou durante dúas fins de semana do mes de outubro. O bono desconto foi recollido esta mañá pola propia gañadora no concesionario Cibrao Motor – Toyota Ourense, que foi o que lle vendeu o coche.

Como xa é habitual, un dos principais atractivos desta cita era o desconto de 6.000 euros que se sorteaba entre todas aquelas persoas que mercasen o seu coche, tanto no Salón do Vehículo Novo como no de Ocasión. Entre os vehículos vendidos (350), A.C.A.U.T.O. realizou o pasado 27 de outubro o sorteo ante notario, que deu como gañadora a Malena González Padrón, quen mercou en Expourense un Toyota Yaris MY26 5P Active Hybrid 120 e-CTV. O vehículo foi adquirido no stand de Toyota no Salón do Vehículo Novo. A gañadora do sorteo indicou que «foi directa a ese modelo. Era o coche que quería e agardei á celebración do salón porque era o mellor momento».

A entrega do cheque correu a cargo do xerente de Toyota Ourense, Pablo Pérez; polo comercial que lle vendeu o coche, José Manuel Valeiras; e polo coordinador de Eventos de Expourense, Emilio González.