José Enríquez Rodríguez, veciño de Xinzo de Limia, resultou gañador do cheque desconto de 6.000 euros que lle tocou por ter mercado un vehículo e ter participado así no sorteo promovido pola Asociación de Concesionarios de Automóbiles de Ourense (A.C.A.U.T.O.) e Expourense durante o 15º Salón do Automóbil Vehículo Novo e Vehículo de Ocasión)que se celebrou durante dúas fins de semana do mes de novembro. O bono desconto foi recollido esta mañá pola súa filla Eva Enríquez Díaz, no concesionario Gadasa de Ourense.

Como xa é habitual, un dos principais atractivos desta cita era este desconto de 6.000 euros entre todos aqueles que mercaran o seu coche, tanto no salón do automóbil novo como no de ocasión. Entre os vehículos vendidos (finalmente foron 295), A.C.A.U.T.O. realizou o pasado 26 de novembro o sorteo ante Notario que deu como gañador José Enríquez Rodríguez, que mercou en Expourense un Skoda Fabia Go novo no stand do concesionario oficial da marca na provincia, Gadasa.

Hoxe fíxoselle a entrega, a través da súa filla, do cheque desconto cuxa contía económica é achegada entre A.C.A.U.T.O. e Expourense. Foille entregado polo pola xerente de Gadasa, Eva André; polo asesor comercial que pechou a venda do coche, Daniel Fernández, e polo director xerente de Expourense, Rogelio Martínez.