>> Esta mañá fíxoselle entrega do cheque por ter mercado un coche nesta cita, un Seat Tarraco no Salón do Vehículo de Ocasión

>> Foille entregado David Gómez, xefe de ventas do concesionario que vendeu o vehículo premiado Roferourense Nissan, e por Rogelio Martínez, director xerente de Expourense

Ourense, 04.11.25.- Xabier Teixeira Quintas, veciño de Ourense, resultou gañador do cheque desconto de 6.000 euros que lle tocou por ter mercado un vehículo e ter participado así no sorteo promovido pola Asociación de Concesionarios de Automóbiles de Ourense (A.C.A.U.T.O.) e Expourense durante o 16º Salón do Automóbil (Vehículo Novo e Vehículo de Ocasión) que se celebrou durante dúas fins de semana do mes de outubro. O bono desconto foi recollido esta mañá polo propio gañador do sorteo no concesionario Roferourense Nissan que foi o que lle vendeu o coche.

Como xa é habitual, un dos principais atractivos desta cita era este desconto de 6.000 euros entre todos aqueles que mercaran o seu coche, tanto no salón do automóbil novo como no de ocasión. Entre os vehículos vendidos (286), A.C.A.U.T.O. realizou o pasado 28 de outubro o sorteo ante Notario que deu como gañador a Xabier Teixeira Quintas, que mercou en Expourense un Seat Tarraco de Ocasión no stand do concesionario oficial de Roferourense Nissan.

Hoxe fíxoselle a entrega do cheque desconto cuxa contía económica é achegada entre A.C.A.U.T.O. e Expourense. Foille entregado polo xefe de ventas de Roferourense Nissan, David Gómez, e polo director xerente de Expourense, Rogelio Martínez.