Ourense, 30.05.2026.- Expourense converteuse durante tres días nunha gran cancha
polideportiva na que a vintena de asociación participantes organizaron clases abertas,
exhibicións, torneos e Copas Deputación que convocaron en total a 4.000 deportistas
de todas as idades con e sen diversidade funcional.
Máis alá da instalación da pista de atletismo cuberta entre os meses de decembro e
marzo, Expourense posiciónase así como un dos grandes espazos deportivos a ter en
conta á hora de organizar copas e campionatos a nivel autonómico ou nacional, xa
que o pavillón central do recinto, de 8.000 metros cadrados sen columnas, permite a
instalación de distintos tipos de canchas para practicar, como se puido ver nestes
Xogos Deportivos, unha vintena de deportes.
Se nas dúas primeiras xornadas se contou coa visita e participación activa de
escolares de Primaria e Secundaria de distintos centros educativos da provincia de
Ourense, hoxe sábado foi o día adicado ás competicións provinciais de todas as
categorías. Hoxe foi un día de medallas, trofeos e fotos de equipo. Entre outras
competicións, hoxe desputouse a Copa Deputación de MiniBalonmán e a de
Pequevolei que convocaron ao longo de toda a xornada a centos de deportistas e ás
súas familias. Houbo ademais torneos de Roller Cross e Bádminton e clases abertas
de esgrima antiga.
A novena edición de Sportur Galicia continuará os días 3 e 4 de decembro coa
celebración do VII Congreso Internacional sobre Turismo e Deporte, centrado xa no
aspecto profesional deste sector.
Sportur Galicia-Xogos Deportivos estivo organizado por Expourense co apoio
Secretaría Xeral para o Deporte da Xunta de Galicia e da Deputación Provincial de
Ourense.

Expourense remata así a actividade feiral do primeiro
semestre do ano aínda que a actividade continúa esta mesma semana. O mércores 3 de xuño, ás 10.30h. presentará a súa Memoria de Actividades correpondente ao ano 2025 e o sábado 6 acollerá o primeiro dos concerto do Ou Yeah Fest! que inclúe a actuación de Kittym Dausy and Lewis; The Rapants y Loquillo.